بە مەبەستی ئاگاداربوون لە ڕێکارەکانی بەڕێوەچوونی پرۆسەی خوێندن، سەرۆکی لیژنەی
تاقیکردنەوەکان لە پەیمانگەی گەشە سەردانی هۆڵەکانی تاقیکردنەوەی کرد و لە
نزیکەوە چاودێری ئەنجامدانی تاقیکردنەوە پراکتیکییەکانی کرد.
ئەم بەسەرکردنەوەیە تاقیکردنەوەکانی سیمستەری چوارەمی قۆناغی دووەمی بەشە
پزیشکییەکانی (دەرمانسازی، پەرستاری و دروستکردنی ددان)ی گرتەوە. لە
میانی سەردانەکەدا، سەرۆکی لیژنەکە جەختی لەسەر دابینکردنی هەموو
پێداویستییەکان و فەراهەمکردنی ژینگەیەکی گونجاو بۆ قوتابیان کردەوە،
تاوەکو بتوانن بە شێوەیەکی زانستی و ڕێکوپێک تاقیکردنەوەکانیان ئەنجام بدەن.
پەیمانگەی گەشە وەک ناوەندێکی پێشەنگ، هەمیشە هەوڵ دەدات لە ڕێگەی چاودێریی ورد و
پەیڕەوکردنی ستانداردە بەرزەکانی پەروەردە و فێرکردن، کوالێتی تاقیکردنەوەکان
بپارێزێت و نەوەیەکی شارەزا و لێهاتوو بۆ بازاڕی کار و خزمەتی کۆمەڵگە
پێبگەیەنێت.
