بە مەبەستی ڕێکخستنی پڕۆسەی پەروەردە و فێرکردن، کۆمەڵگەی پەروەردەیی گەشە لە شاری سلێمانی، کۆمەڵێک ڕێنمایی تایبەتی بۆ قوتابیان و بەخێوکارانیان بڵاوکردەوە بۆ ئەوەی ساڵێکی خوێندنی ڕێکوپێک و سەرکەوتوو بەڕێ بکەن.
لەگەڵ دەستپێکردنەوەی دەوامی فەرمی، گەشە لە سلێمانی کۆبوونەوەیەکی ڕێنمایی بۆ قوتابیان ئەنجامدا. لەم دیدارەدا، بە وردی تیشک خرایە سەر کاتەکانی دەوام، پەیڕەوکردنی ڕێساکانی ناو خوێندنگە و چۆنیەتی ئامادەکاری بۆ وانەکان، بە ئامانجی ئەوەی قوتابیان بەوپەڕی ئامادەباشییەوە دەست بە کاروانی خوێندنی ئەمساڵ بکەن.
ئیدارەی ناوەندەکە جەختی لەوە کردەوە کە پابەندبوون بەم ڕێنماییانە دەبێتە هۆی دروستبوونی ژینگەیەکی لەبار بۆ خوێندن و فەراهەمکردنی سەقامگیری بۆ قوتابیان تاوەکو تەنیا سەرنجیان لەسەر وانەکانیان بێت. هەروەها ئاماژە بەوە درا کە گەشەی سلێمانی هەموو ئاسانکارییەک دەکات بۆ ئەوەی قوتابیانی ئامادەیی کچان بە بەرزترین ئاستی زانستی و پەروەردەیی بگەنە ئامانجەکانیان.
