ئەمڕۆ بە بەشداریی قوتابیان، یەکەم ڕۆژی تاقیکردنەوەکانی کۆتایی وەرزی دووەمی پۆلی
١٢ی ئامادەیی لە ناوەندەکانی خوێندن بەڕێوەچوو.
پرۆسەی تاقیکردنەوەکان لە کەشێکی ئارام و ڕێکخراودا دەستی پێکرد، کە تێیدا هەموو
ئامادەکارییە کارگێڕی و هونەرییەکان بۆ دابینکردنی ژینگەیەکی لەبار بۆ قوتابیان
فەراهەم کرابوون. ئەم تاقیکردنەوانە وەک قۆناغێکی یەکلاکەرەوە و گرنگ لە ژیانی
زانستیی قوتابیان هەژمار دەکرێن.
لەو چوارچێوەیەدا، هیوای سەرکەوتن و بەدەستهێنانی نمرەی بەرز بۆ سەرجەم قوتابیان
دەخوازرێت، تاوەکو بتوانن بە ئەنجامێکی شایستە ئەم قۆناغە ببڕن و هەنگاو بەرەو
قۆناغی خوێندنی باڵا و بونیادنانی داهاتوویان بنێن.
